Главная » 2010 » Март » 16 » Kul - çoşanbə mıbarək
21:06 Kul - çoşanbə mıbarək |
Okə çəşi,
Qinkə sardi,
Rə-rə beşi.
Bəpe qıləy vo bəbənim,
Bəştı dimi az bəqınim,
Mardım-zəminim, mandim-ıştınim.
Kul sıxani mənşə həxədə muxtəlif fikon hestin. Az hisob kardəm ki, kul qıli (zəmin-torpaq) sıxani təhrifə bə şəkle. k=q, u=ı fonetik hadisə har zıvoniro adi qıləy hale. Oxonə çoşanbə əlan bı sahat tolışon arədə bı şəklə vote bedə: kuli çoşanbə yainki kul-çoşanbə. Imiən ğeyd karde lozime ki, tolışon çoşanbə rujon həmişə əziz zınə.
Muasir zəmonədə Nəvuzə id Azərboycon, İron, Əfqanistan, Pakistan Miyonə Asiya, co Həşipemə (Şərğ) məholonədə dəvoynə bedə. Avropə, Əmerikə alimon də idi tarixi məşğul bedən. Hətto ım sor İbə Milləton Təşkiloti (BMT) Nəvuzə idi həxədə xususi ğərorış doə. Nəvuzə id muxtəlif zıvonədə qəp jə xəlqon muştərək idi peqardə. Nəvuzə id dınyi dimisə çı təmizəti, sulhi, oroməti, tolerantəti, umumbəşəri əxlaqi-mənəvi dəyəron simvole. Az şom ki, jıqo qılə ğəşənqə idi ofəyədə, həzo soron çəvi ayinon, adət-ənənəon hifz kardəyədə çəmə tolışə xəlqi zəhmətış ve bə.
Kul – çoşanbən, Nəvuzə idon mubarək, tolışon!
Conon səlomət Vətənon cənnət bıbu! Zıvonon şin, dardınon qin bıbu!
Kuli – Oxonə çoşanbə bovəon
Oxonə çoşanbədə nuə olət tabəkan.
***
Oxonə çoşanbədə bevəcə qəpon jəy, hədərə koon vinde nibəbe..
***
Oxonə çoşanbə şəvədə dınyo dimisə çiç heste, həmmə nu, tojə bəbe.
***
Oxonə çoşanbədə bəd bə kəson dust bəben.
***
Oxonə çoşanbə-kulə şəvədə kıləşiko (aləfiko) otəş sənoyə bedə, çəy səyko vaşte-vaşte muxtəlif formədə dvo doə bedə. Məsələn: Dardı – bəlom bısutə.
***
Kulə şəvi həmə kəs bəpe ıçta kədə dəvonı.
***
Kulə ruji rə pebəben, bə ovə sə - honi, ru, çol bəşen, kulə ovi bə kə bəvarden.
<> <> <>
Kul – çoşanbə, nuə soron mubarək!
Doon qıtı qədə-qədə obedə,
Vıl-vənəşə bənə ətri buy dodə,
Çə paylo, vallah, odəm məst bedə,
Kul – çoşanbə, nuə soron mubarək!
Bılbıl nıştə tojə obə vılonsə,
Kəku handə barzə doyi xolonsə,
Livə çiəydə kuləlivə kulonsə,
Kul – çoşanbə, nuə soron mubarək!
Həmmə kəyko "kulə xonçə” qatedən,
İyəndısə çokə hardon patedən,
"Əvəsore”, "tojə sore” votedən,
Kul – çoşanbə, nuə soron mubarək!
Kinon, zoon çı dıliko şo bedən,
Otəşiko vaştən, kılo ğandedən,
Nənon bəvon uzərriki pesutən,
Kul – çoşanbə, nuə soron mubarək!
Bə yod dəşin çı dlnyoko şə kəson,
Baxşəşon doy beimkonon, bekəson,
Dılon orzu noğo bıbu har kəson,
Kul – çoşanbə, nuə soron mubarək!
Ruj dıroze, şəvon ısət kam bedə,
Həşi tasbə, həvo ısət qam bedə,
Zımsoni zu əvəsori ram bedə,
Kul – çoşanbə, nuə soron mubarək!
Tolışə zıvon qıləy çanqəy vıliko,
Duəro mənan əyi ışta dıliko,
Tolışiədə botan yəndı payloko:
Kul – çoşanbə, nuə soron mubarək!
Kul – çoşanbə, nuə soron mubarək!
Heybət Həbibi
Ostoro, Şıvu
|
|
Категория: Наши новости |
Просмотров: 226 |
Добавил: admin
|
| Всего комментариев: 8 | 1 2 » |
0  
Кулә бип,кулә хәпо,кулунҹ,кулунҹонә,кул-кымот сыхани че ҹур де гыли јаән де зәмини незиәтиш бәбешеј ,јаән фонетик дәјишәти мәруз бәмандеј?Толыши Авесто зывонәдә бә зәмини БУМышон вотәшонеј.Әвеј де һурмәтинә Һејбәтә билә вотәјон рози ним.!Гасбу аз сәрос бә сә дәшедәнимбу?
P.S.Иглә чијән ыштә јодәдә огәтәнән офәјә сыхани әнҹәх бә Хыдо мәхсусе.Одәм сохте зынедә,Хыдо офәједә...
|
0 2
hazi (17.03.2010 17:25)
Aziz Zabil bila, albatta ki ishti versiya va vitayonadaan mueyyen duze fikron hesin … Amma Heybat muellimi vitayonadaan hax hese, KULi ba ZAMINI angil be haxada chiminan kali mantiqi fikron hesin. BUM ian KUL chi zamini muxtalif manada oko doa ba formon be bazne… Amma KUL ancax va ancax oxona choshanba aid “zamine”… Inshalla bi barada giley risala hozo karde nioyyatomon heste… Azan ba tabrikon umjan bedam!
Shima hammayon COSHANBA mubarek!!! |
0
Аз иглә деми розим ки әмә ыштә иди ижән ҹо адәтон-әнәнон,вотеј бәбеј ки һичи зындәнимон.Бы саһәдә ве ко бардеј лозиме.!
|
0 4
hazi (17.03.2010 20:48)
Zabil bila, deti 100 % rozim ki bi sahada ve-veyle ko barde lozime. Ama bape ba dinyo subut bikamon ki im KUL-choshanba ian NUASOR (NAVUZ) chama – chi MIDIYA milli ID ba va de ba birujna 3 hazo sorisa veye ki achey ritualon ancax chama xalg ba vira rosneda… Chama tolosha alimon-ziyalon va ya ishti taki rushinfikrina geyratmandon imi ICO tadgig bikan bape!
Bape SOYB beshamon ijan bashta idi. Im jacuc-macuca toyfan chama im idian chama dasiko se pidan, chokna ki ha chama millia sarvatoshon “privitizasiyashon” karda… Xido ishtan ba chama alimon-tadgigatchion, rushinfikina odamon bi roada komag bibo!!! |
0
Бојли ын әнҹәх сыхани быә нәби лап әла әби... Ышты мавужи чы ҹо милләтон адәт-әнәкуон хәбә һысте ки, жығо гәти гәрар бекарде... "Әнҹәх"и ҹо милләтон идә ритуалонку хәбә быәкәс выте бәзне... Иронзәбан хәлгон идә суфрәдә "7 син" нојдән... Хаиш кардәм зындон әҝәрсә, бәшмә хатир умә, бә идә суфрә ноә быә "с" һәрфиәдә омә немәтон номи, бә толыши бынывыштән. Ја толышон идә суфрәдә "7 син" нојдәнин..? Ым ҹо хәлгон бә толыши иди дәноә "нововедение"..?  |
0 6
hazi (17.03.2010 23:51)
Eziz Ironij, famedam ki im "7 sin" haggatan "novovedeniyaye". Guya haft gilay de "s" (sin) harfi binoba nematon ustuli pio bibi babe... az chimian tatgigatim barda... tacikon,afqanon 7 sin barede fikronan imonin... isat boy, toloshonko 1)SHALEM, 2) Diza MOY (ziyad) 3) Tora 4) SI 5) mogna (bana "glazuri") 6) polojio noaba lavangia kija 7) Pilo - VACIB 7 nemate im kul-choshanba. Im ha nemati ishta tarix - ishta ramzish heste.Amma 7 sin-da asas taravaz mahsulinin...
|
|
| 1 2 » |
|
Добавлять комментарии могут только зарегистрированные пользователи. [ Регистрация | Вход ] |
ТалышИнфо - новости, политика, аналитика
